Pust…
Si smo maškarani,
kantamo kot tići…
Vesele se si,
i veli i mići…
Na sam dan Pusta, 17. febrara, si školani od 1. do 4. razreda su se maškarali. Najprvo su va dvorane odigrali jedan maškarani graničar, a onda je počel tanac.
Neki su i kantali, pa čestitamo sen ki su se prijavili na karaoke. Ipak, najviše glasi publiki dobili su Nina Gregorović, Bernard Krtalić i Patrick Perica z trećega razreda, ki su kantali „Kad se male ruke slože…“
Veselili su se i tancali si, ma najteži je bil tanac z balonon…va ken su najviše zdurale Dominika Šporčić i Martina Mohorovičić z 3. razreda.
Miće maškare su imele i pravu muziku. Ča znaju sost, pokazale su nan Ema Sušanj (3.r.) i Karin Juričić (4.r.) na triještinkah, Matej Brubnjak (1.r.) na svojoj armunike i Luka Volf na klarinete. Nina Gregorović otkantala je svoju pjesmu Komać čekan s kun je pobjedila lane na Kvarneriće.
Na kraje, zibrane su i najlepše maškare: Matej Mijatović (1.r.), Nikolina Brubnjak (2.r.), Tara Kućel (3.r.) i Sara Barak (4.r.).
Si muzikanti i pobjednici va igrah, kantanjen ili maškarenjen dobili su i prigodne nagradi.
« Travanj 2024 » | ||||||
Po | Ut | Sr | Če | Pe | Su | Ne |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
Nastava na daljinu |
Odgoj i obrazovanje |
Lokalna i regionalna... |
Mediji |